Peruda arxeologlar qazilma ishlari davomida jinsi noma’lum bo‘lgan mo‘miyolangan jasadni aniqlashdi.

Kaxamarkilya tumanidan topilgan jasad Lima tog‘laridan bir necha kilometr uzoqlikda ko‘milgan. Mutaxassislarning so‘zlariga ko‘ra, mo‘miyoning yoshi 800-1200 atrofida. U tiriklik vaqti And tog‘larida yashagani aytilmoqda.

“Gʻalati tomoni shundaki, jasad arqonlar bilan bog‘lab tashlangan, u o‘limi oldidan yuzini qo‘llari bilan yopib olgan”, deydi qazilma ishlari rahbari, professor Piter Van Dalen. Uning taxminicha, bu qandaydir urf-odat bilan bog‘liq.

Murda bilan birgalikda toshdan ishlangan mehnat qurollari, o‘simliklarga mo‘ljallangan tuvaklar topilgan. Mo‘miyoni o‘rganish ishlari davom etmoqda.