Joriy yilning 25-27-noyabr kunlari Qozogʻistonning Aktau shahrida mahoratli doʻmbirachi, shoir, bastakor Murat Oskinbayev nomidagi Professional xalq cholgʻulari ijrochilarining II Xalqaro tanlovi boʻlib oʻtdi. Bu haqida Oʻzbekiston davlat filarmoniyasi matbuot xizmati xabar berdi.

Qayd qilinishicha, tanlovda Qozogʻiston respublikasining barcha viloyatlaridan, shuningdek, Oʻzbekiston va Qirgʻiziston Respublikasidan jami 46 nafar nomzod ishtirok etgan.

«Tanlovda ishtirokchilar «Dombira», “Doʻmra-prima”, «Sherter», “Qoʻbiz”, “Gʻijjak” nominatsiyalari boʻyicha bellashdilar.

 

3 bosqichdan iborat boʻlgan tanlovda “Gʻijjak” nominatsiyasi boʻyicha ishtirok etgan hamyurtimiz Oʻzbekiston davlat filarmoniyasining davlat akademik xalq cholgʻulari orkestri sozandasi Javlonbek Gʻulombekov 3-oʻrinni egalladi», deyiladi xabarda.