Janubiy Koreya kinoijodkorlari tomonidan yaratilgan “Jahannamga chorlov” (ing: “Hellbound”, rus: “Zov ada”) seriali Netflix reytingida “Kalmar o‘yini”ni ortda qoldirib, birinchi o‘ringa chiqib oldi.  

Fantastika va xorror janrida yaratilgan mini serialning premyerasi Netflix  saytida 19-noyabr kuni bo‘lib o‘tdi va uch kun o‘tib yuqori reytingni egalladi.

Ushbu serial rejissyor Yon San Xo tomonidan suratga olingan. Unda iblislar to‘dasi va insonlar o‘rtasidagi kurash tasvirlanadi. “Jahannamga chorlov” Toronto xalqaro festivalida ishtirok etgan ilk koreys seriali sanaladi.