“Oʻzbekneftgaz” AJga tegishli AYOQSHlarda soʻnggi kunlarda benzin taqchilligi kuzatilgani sababli internet ijtimoiy tarmoqlarida tanqidiy muhokamalar boʻldi.

Kompaniya axborot xizmatining xabar berishicha, benzin taqchilligini oldini olish uchun “Oʻzbekneftgaz” AJ va “Tovar xomashyo birjasi” AJ hamkorligida chora-tadbir ishlab chiqilgan.

Natijada “Oʻzbekneftgaz” AJga qarashli AYOQSHlarda bugun, 26-noyabr kunidan boshlab soat 20:00dan buyon “AI-80” markadagi benzin 6890 soʻmdan sotuvga chiqariladigan boʻldi.

Xabarga koʻra, respublika hududidagi “Oʻzbekneftgaz” AJning barcha AYOQSHlarda benzin boʻlishi taʼminlanadi.