5−13-iyul kunlari Yaponiyaning Chibo shahrida oʻtayotgan 64-Xalqaro matematika olimpiadasida (IMO) 3 nafar oʻzbekistonlik oʻquvchi bronza medallarini qoʻlga kiritdi. Bu haqda Maktabgacha va maktab taʼlimi vazirligi xabar berdi.

Gʻolib oʻquvchilar:

• Ozodbek Axtamov — Toshkent shahri Al-Xorazmiy ixtisoslashtirilgan maktabining 9-sinf oʻquvchisi;
• Anvarbek Rahmatov — Buxoro viloyati Qorakoʻl tumani ixtisoslashtirilgan maktabning 11-sinf oʻquvchisi;
• Anvarbek Sadulloyev — Buxoro viloyati Peshku tumani 18-maktabning 11-sinf oʻquvchisi.

Ushbu olimpiadada dunyoning 112 ta mamlakatidan jami 623 nafar maktab oʻquvchisi ishtirok etmoqda.

Maʼlumot uchun, prezident qaroriga muvofiq 3-oʻrin (bronza medal) uchun oʻquvchiga bazaviy hisoblash miqdorining 200 baravari (66 mln soʻm), uning ustoziga 150 baravar (49,5 mln soʻm) pul mukofoti beriladi.

Eslatib oʻtamiz, oʻzbekistonlik yoshlar 1997-yildan boshlab ishtirok eta boshlagan mazkur nufuzli musobaqada hozirga qadar 10 ta kumush va 32 ta bronza medallari qoʻlga kiritilgan.

Oyina.uz'ni Telegramda o‘qing!