Oʻzbekiston Vazirlar Mahkamasining 3-iyuldagi qarori bilan avtomobil benzini uchun tovon puli miqdori oshirildi, deya xabar berdi “Oʻzbekneftgaz” matbuot xizmati.

Qonunchilikka muvofiq, ayrim toifadagi shaxslarga benzin sotib olish xarajatlarining bir qismini qoplash uchun oylik tovon puli ajratiladi. Bularga urush qatnashchilari va nogironlari hamda ularga tenglashtirilgan shaxslar, shuningdek, mehnat jarohati va kasb kasalliklari tufayli I va II guruh nogironlari, bolalikdan I va II guruh nogironlari kiradi.

Bunga qadar ushbu toʻlov miqdori 75 ming soʻmni tashkil etgan boʻlsa (chakana savdoda eng koʻp tarqalgan 40 litr tovar belgisi narxining 50 foizidan kelib chiqib, jismoniy shaxslardan yoqilgʻi isteʼmoli uchun soliqni hisobga olmaganda), ikkinchi chorakda toʻlov 116 180 soʻmni tashkil etadi.

Tovon puli olish huquqiga ega boʻlgan shaxslar pensiya va nafaqa tayinlash uchun masʼul boʻlgan organlarga murojaat qilishlari mumkin.

Benzin uchun tovon puli toʻlovlari “Oʻzbekneftgaz” tomonidan moliyalashtiriladi.