Oʻzbekiston pasport mustahkamligi boʻyicha dunyo reytingida 71-oʻrinni egalladi.

Passport Index saytida eʼlon qilingan maʼlumotlarga koʻra, 2022-yilning aprelida eʼlon qilingan reytingda Oʻzbekiston pasporti 63-oʻrinni, 2021-yilda esa eng kuchli pasportlari reytingida 86-oʻrinni egallagandi.

Oʻzbekiston pasportiga ega boʻlgan fuqarolar 26 ta davlatga vizasiz, yana 45 ta davlatga esa yetib borgandan keyin viza olishi mumkin. Oʻzbekistonliklar 127 ta davlatga faqat tegishli viza bilan kirishlari mumkin.

Dunyodagi eng kuchli pasport BAA fuqarolariga tegishli boʻldi. Ular uchun 125 ta davlatda vizasiz rejim mavjud, yana 55 ta davlatda vizani yetib borgandan keyin olish mumkin.

Reytingda Afgʻoniston oxirgi oʻrinni egallagan. Ushbu mamlakat fuqarolari uchun vizasiz rejim faqat 5 ta davlatda amal qiladi, yana 35 davlatda viza kelgandan keyin olinishi mumkin.