Oʻzbekiston liberal-demokratik partiyasidan Oʻzbekiston Respublikasi Prezidentligiga nomzod Shavkat Mirziyoyev samarqandlik saylovchilar bilan uchrashuv chogʻida kelgusi yetti yilda turizmni rivojlantirishga oid rejalar haqida toʻxtaldi.

“Yevropa tiklanish va taraqqiyot banki hamda Jahon banki koʻmagida “Toshkent – Samarqand” va “Toshkent – Andijon” yoʻnalishlarida xususiy sheriklik asosida yangi tezyurar avtomobil yoʻllari quriladi. Bunga 4 milliard dollar investitsiya kiritiladi.

 

Natijada ushbu yoʻnalishlarda manzilga yetib borish vaqti 2 barobar qisqaradi.

 

Osiyo infratuzilma investitsiyalar banki koʻmagida Toshkent – Shahrisabz – Termiz (M-39) yoʻli qayta quriladi, “Samarqand – Buxoro – Olot” yoʻli taʼmirlanadi. Bunga 300 million dollar ajratamiz”, dedi Shavkat Mirziyoyev.