“O‘zbekiston Respublikasi Konchilik va metallurgiya sanoati xodimlari kuni” munosabati bilan “O‘zmetkombinat” AJ tasarrufidagi Metallurglar Madaniyat saroyida tantanali bayram tadbiri bo‘lib o‘tdi.

Tadbirda Bekobod shahar hokimligi vakillari, “O‘zmetkombinat” AJ rahbariyati, mehnat faxriylari hamda korxona ishchi-xodimlari ishtirok etdilar.

Tadbir davomida bir guruh ilg‘or ishchi-xodimlar hamda mehnat faxriylari “Faxriy metallurg” medali bilan tantanali ravishda taqdirlandi. Shuningdek, ishlab chiqarish va kasbiy faoliyatda yuqori natijalarga erishgan xodimlarga faxriy yorliqlar va esdalik sovg‘alari topshirildi.

Bundan tashqari, sport musobaqalari, jumladan “Boshqaruv raisi kubogi” mini-futbol musobaqasi g‘oliblari ham alohida e’tirof etilib, munosib taqdirlandi. Bayramning badiiy qismida taniqli san’atkorlar konsert dasturlari bilan yig‘ilganlarga ko‘tarinki kayfiyat ulashdilar.