Oʻzbekiston Respublikasining Moskvadagi elchixonasi barcha oʻzbekistonlik fuqarolarni Rossiya Federatsiyasi hududida amalda boʻlgan jamoat xavfsizligi qoidalariga qatʼiy rioya qilishga, Rossiya va Ukrainaning chegaradosh hududlariga sayohat qilmaslikka, odamlar gavjum joylarga tashrif buyurmaslikka chaqirdi.

“Axborot maydonida tarqatilayotgan tasdiqlanmagan maʼlumotlarga berilmaslik va mamlakat rasmiy vakillarining koʻrsatmalariga amal qilishni soʻraymiz. Sizga qulaylik yaratish maqsadida mamlakatimizning Rossiyadagi barcha diplomatik vakolatxonalari toʻliq ish rejimida ishlaydi”, deyiladi elchixona xabarida.

Zarur hollarda Oʻzbekiston Respublikasi fuqarolaridan Oʻzbekistonning Moskva shahridagi elchixonasining yagona Call-markaziga zudlik bilan murojaat qilishlarini soʻraymiz: +7-499 230-00-76, +7-499 238-36-20.