Ijtimoiy tarmoqda “Nexia-3” rusumli avtomobil boshqarib ketayotgan haydovchi transport vositasining oynasidan axlat uloqtirib yuborganligi aks etgan video tarqaldi va jamoatchilik eʼtirozlariga sabab boʻldi.

IVV YHXBBning xabar berishicha, holat Toshkent shahar IIBB YHXB va HPB masʼullari tomonidan oʻrganildi va mazkur haydovchi aniqlandi.

Haydovchiga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 123-moddasi (transport vositalaridan axlat yoki boshqa narsalarni tashlab yuborish) tartibida chora koʻrildi.