Toshkent shahrida modernizatsiya va rekonstruksiya ishlari sababli uchta tumandagi 7 ta MFYning ayrim hududlarida elektr taʼminoti vaqtincha toʻxtatildi. Bu haqda “Hududiy elektr tarmoqlari” Toshkent shahar filiali xabar berdi.

Xabarga koʻra, bugun, 16-iyun kuni quyidagi manzillarda elektr taʼminoti vaqtincha oʻchirildi:

Yashnobod tumanining: “Argʻin” va “Bahor” MFY ayrim hududlarida soat 17:00 gacha;

Yunusobod tumanining: Markaz 6-dahasi, “Registon” va “Qoʻshchinor” MFY ayrim hududlarida soat 15:00 gacha;

Chilonzor tumanining: “Dilxush” va “Qatortol” MFY ayrim hududlarida soat 17:00 gacha;

Oʻz navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligi bildirilgan.