Ijtimoiy tarmoqlarda Toshkent viloyati Zangiota tumanida katta yong‘in yuz bergani aytilgan videolar tarqaldi. Holat yuzasidan Favqulodda vaziyatlar boshqarmasi rasmiy izoh berdi.

Qayd etilishicha, 11-iyun kuni 21:41 da Zangiota tumani “Quyoshli” MFY hududidan o‘tgan m-39 avtomobil yo‘li bo‘yida taxminan 150 kvadrat metr ochiq maydonda quruq o‘t yongan. Shunga ko‘ra, 2 ta yong‘in-qutqaruv ekipaji soat 21:47 da voqea joyiga yetib borib, yong‘in soat 22:50 da o‘chirilgan.

Hodisa oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.