Avval xabar berganimizdek, Respublika Maʼnaviyat va maʼrifat markazi huzuridagi Ijtimoiy-maʼnaviy tadqiqotlar institutida “Joylarda maʼnaviy-maʼrifiy ishlarni tashkil etish: muammolar va ularning yechimlari” yuzasidan malaka oshirish oʻquvlari davom etmoqda.

Mazkur tadbir Oʻzbekiston Respublikasi Prezidentining 2021-yil 26-martdagi “Maʼnaviy-maʼrifiy ishlar tizimini tubdan takomillashtirish chora-tadbirlari toʻgʻrisida”, Vazirlar Mahkamasining 2021-yil 3-iyundagi “Respublika Maʼnaviyat va maʼrifat markazi huzuridagi Ijtimoiy-maʼnaviy tadqiqotlar instituti faoliyatini tashkil etish toʻgʻrisida”gi qarorlari ijrosini taʼminlash maqsadida oʻtkazilmoqda.

Respublika Maʼnaviyat va maʼrifat markazining Qoraqalpogʻiston Respublikasi, Toshkent shahar, viloyat boʻlimlari, tuman (shahar) boʻlinmalari rahbarlari ishtirokidagi onlayn anjuman tarzida oʻtkazilayotgan malaka oshirish oʻquvlarining bugungi mashgʻulotlarida “Hududiy hamkor tashkilotlar bilan maʼnaviy-maʼrifiy ishlarni tashkil etish mexanizmlari”, “Jamiyatni tarbiyalashda maʼnaviy-maʼrifiy islohotlarning ahamiyati” hamda “PR va raqamli targʻibot: tahlil, muammo va yechimlar” kabi mavzularda fikr-mulohaza almashildi.