Ijtimoiy tarmoqlarda go‘yoki Toshkentda atir sotuvchi ayollar yurganligi, ular sotayotgan atirni hidlagan shaxs vafot etayotganligi haqida audioxabar tarqalib, turli muhokamalarga sabab bo‘lmoqda.

Toshkent shahar IIBB axborot xizmatining ma’lum qilishicha, mazkur xabar haqiqatga mutlaqo zid.

“Bu kabi holatlar Toshkent shahrida qayd etilmaganligini, shu mazmundagi yolg‘on xabarlar bir necha yillardan beri ijtimoiy tarmoqlarda aylanib yurganligini ma'lum qilamiz”, – deyiladi xabarda.

Shuningdek fuqarolardan, asoslanmagan va tasdiqlanmagan xabarlarga ishonmaslik hamda tarqatmaslik so‘ralgan.