Bugun, 2 may kuni soat 12:00 dan 18:00 ga qadar Poytaxt Toshkentning Yangihayot tumanining ayrim joylarida tabiiy gaz ta’minoti vaqtinchalik to‘xtatiladi. Bu haqda “Hududgaz Poytaxt” gaz ta’minoti filiali Matbuot xizmati xabar berdi.

Keltirilishicha, Yangihayot tumani “Oriyat” mahallasi 8-qurilish hududidan o‘tgan o‘rta bosim d-219 mmli gaz quvuridan gaz sizib chiqish holati aniqlangan.

Shu tufayli “Oriyat” mahallasida joylashgan 42 ta ko‘p qavatli uylardagi jami 1 890 ta aholi xonadonlarida hamda 6 ta ulgurji iste’molchilarida tabiiy gaz ta’minoti vaqtincha bo‘lmaydi.

Ta’mirlash ishlari yakunlangach, tabiiy gaz ta’minoti qayta tiklanadi.