Oʻzgidromet xizmati agentligi dam olish kunlari — 29−30-aprel sanalarida kuzatiladigan ob-havo haqida maʼlumot berdi.

Dam olish kunlari mamlakat hududining katta qismida havo ochiq va quyoshli boʻlishi kutilmoqda. Togʻoldi va togʻli hududlarda havo oʻzgarib turadi, qisqa muddatli yomgʻir yogʻishi, momaqaldiroq boʻlishi mumkin.

Yakshanba kuni respublikaning shimoli-gʻarbiy hududlari boʻyicha shamol tezligi 18−23 m/s gacha kuchayishi mumkin. Harorat kechasi 11−16, kunduzi 28−33 daraja atrofida boʻladi.

Poytaxda 28-aprel kuni kunduzi yogʻingarchilik kutilmaydi, kechga tomon qisqa muddatli yomgʻir yogʻishi, momaqaldiroq boʻlishi mumkin. Shamol 3−8 m/s tezlikda esadi. Harorat 28−30 daraja boʻladi.

Dam olish kunlari yogʻingarchilik kutilmaydi. Shamol 3−8 m/s tezlikda esadi. Harorat kechasi 13−15, kunduzi 29−31 daraja boʻladi.