Ijtimoiy tarmoqlarda Fargʻona viloyati Dangʻara tumanida yosh oʻspirin “1Xbet” qurboni boʻlib, 16 mln. soʻm uchun oʻz joniga qasd qilganligi haqida xabar tarqaldi. Bosh prokuratura xabarlarga oydinlik kiritdi.

Aniqlanishicha, 15-noyabr kuni Dangʻara tumani, Pishkaron M.F.Y, Soysohili koʻchasida yashagan 28 yoshi bola oʻzini-oʻzi osib, oʻz joniga qasd qilgan.

Marhumning oʻlim sababini aniqlash uchun sudga oid tibbiy ekspertiza tayinlangan.

Mazkur holat yuzasidan tuman prokuraturasi tomonidan tergovga qadar tekshiruv harakatlari oʻtkazilmoqda.

Avvalroq, 57 mln soʻmni qimorda yutqazib qoʻygan FarDU oʻqituvchisi oʻz joniga qasd qilgani haqida xabar bergan edik.