2021-yil 18-noyabr kuni Moskva shahrida Oʻzbekiston Respublikasi Tashqi ishlar vaziri Abdulaziz Komilov Rossiya Federatsiyasi Tashqi ishlar vaziri Sergey Lavrov bilan uchrashdi.

Uchrashuvda ikki mamlakatning xalqaro va mintaqaviy tashkilotlar doirasida yaqin aloqalarni davom ettirish va oʻzaro qoʻllab-quvvatlashga tayyorligi bildirildi.

Shuningdek, Afgʻonistondagi vaziyat yuzasidan atroflicha fikr almashildi.

Uchrashuv yakunida Vazirlar axborot va biologik xavfsizlik sohasida qator ikki tomonlama hujjatlar, shuningdek, Oʻzbekiston Respublikasi Tashqi ishlar vazirligi va Rossiya Federatsiyasi Tashqi ishlar vazirligi oʻrtasida 2022-2023-yillarga moʻljallangan hamkorlik dasturini imzoladi.