Oʻzbekistonda Zahiriddin Muhammad Boburning asarlarini sunʼiy intellekt yordamida tasvirlash loyihasi yoʻlga qoʻyildi. Buning uchun “Boburnoma” telegram kanali ishga tushirildi.

Ushbu loyiha mualliflarining taʼkidlashicha: “Yoshlarga shunday ajdodimiz borligini yana bir bor eslatish va ularning eʼtiborini jalb qilishning eng yaxshi yoʻli zamonaviy texnologiyalardan foydalanishdir. Bugungi kunda esa aynan MidJourney neyron tarmogʻi katta qiziqishlarga sabab boʻlmoqdaʼʼ.

Loyihaga "Boburnoma" asari tanlangani sababi muallif shaharlarni, odamlarni batafsil tasvirlab bergan va oʻsha davr muhitini bera olgani bilan izohlangan. Bu esa neyron tarmoq ishini osonlashtiradi.