Toshkent shahrining Yunusobod tumanidagi “Minor” masjidida oʻgʻrilik yuz berdi. Bu haqda shahar Ichki ishlar bosh boshqarmasi xabar berdi.

Qayd etilishicha, voqea joriy yilning 21-fevral kuni soat 12:50 larda sodir boʻlgan. Masjid tahoratxonasidagi kiyim ilgichida turgan boshqa bir fuqaroning kurtkasidan shaxsiy hujjatlari va 170 ming soʻm miqdoridagi pullari boʻlgan hamyonini 1979-yilda tugʻilgan fuqaro oʻgʻirlab, voqea joyidan gʻoyib boʻlgan.

“Mazkur holat yuzasidan Jinoyat kodeksining 169-moddasi (oʻgʻrilik) alomatlari bilan jinoyat ishi qoʻzgʻatilgan. Hozirda tergov davom etmoqda”, deyiladi xabarda.