Oʻzbekiston Respublikasi Jahon iqtisodiyoti va diplomatiya universiteti hamda Misrning “Al-Hivor” siyosiy va axboriy tadqiqotlar markazi bilan hamkorlikda “Oʻzbekiston va Misr hamkorligi” deb nomlangan yangi kitob nashr etildi.

Oʻzbekistonlik diplomat, JIDU Til taʼlimi markazi rahbari Lutfiddin Xoʻjayev hamda misrlik siyosatshunos Ahmad Tohir muallifligidagi kitob Oʻzbekiston va Misr oʻrtasida diplomatik aloqalar oʻrnatilganligining 30 yilligiga bagʻishlanadi.

Asar uchta bobdan iborat boʻlib, ular “Oʻzbekiston va Misr: munosabatlarning yuqori bosqichga koʻtarilishi”, “Oʻzbekiston va Misr hamkorligining istiqbolli sohalari” hamda “Oʻzbekiston va Misr – oʻxshash yondashuvlar, mushtarak muammolar” deb nomlanadi.