Oliy taʼlim, fan va innovatsiyalar vaziri Ibrohim Abdurahmonov Sintana Education Company kompaniyasining mintaqaviy ijrochi direktori Chari Bagchiogluni qabul qildi.

Vazirlik matbuot xizmatiga koʻra, uchrashuvda tomonlar Oʻzbekistonda AQSH bilan hamkorlikda qoʻshma universitet tashkil etish loyihasini muhokama qilgan.

Ushbu loyihaga muvofiq AQSHda innovatsiyalar yoʻnalishida birinchi raqamli Arizona davlat universiteti bilan hamkorlik oʻrnatish va oʻzaro hamkorlikda oʻquv hamda tadqiqot dasturlarini tashkil qilish koʻzda tutilgan.