Yangi haftaning ish kunlarida janub viloyatlarida (Surxondaryo va Qashqadaryo) deyarli har kuni vaqti-vaqti bilan yomg‘ir (baland tog‘larda qor) yog‘ishi prognoz qilinmoqda.

«O‘zgidromet» prognozlarida keltirilishicha, yangi haftaning ish kunlari namgarchilik bilan boshlanib, havo tez o‘zgaruvchan va turlicha bo‘ladi.

Фото: UzbMeteo.

Havo harorati asta-sekin yuqorilab boradi. 15-16-fevral kuni joylarda havo harorati +10 +15 darajagacha yuqori ko‘tariladi.

Ertaga esa janubiy viloyatlar hamda markaziy (Samarqand, Navoiy va Buxoro) viloyatlarda biroz yomg‘ir yog‘ib o‘tishi mumkin.