Oʻzbekiston Favqulodda vaziyatlar vazirligi xodimlari tomonidan Turkiyaning Hatay viloyatida zilzila oqibatlarini bartaraf etish vaqtida vayronalar ostidan yana 2 nafar jabrlangan inson olib chiqilgan.

Bundan tashqari, soʻnggi bir necha soat ichida Oʻzbekiston FVV xodimlari xarobalar ostidan 18 nafar hayotdan koʻz yumgan insonni chiqargan.

Shunday qilib, qidiruv-qutqaruv operatsiyasi boshlanganidan buyon oʻzbekistonlik qutqaruvchilar vayronalar ostidan jami 11 nafar jabrlangan va 33 nafar halok boʻlgan kishilarni olib chiqqan.