Ijtimoiy tarmoqlarda noma’lum shaxs do‘kon yoniga o‘rnatilgan xayriya qutisini o‘g‘irlayotgani aks yetgan video tarqaldi. Ushbu holat yuzasidan poytaxt IIB rasmiy izoh berdi.

Qayd etilishicha, joriy yilning 2-fevral kuni soat taxminan 00:47 larda 20 yoshli Yoqub ismli shaxs Olmazor tumani Qo‘shtut mahallasida joylashgan do‘kon yonida o‘rnatilgan ehson qutisini o‘g‘irlab, voqea joyidan yashiringan.

Mazkur holat yuzasidan O‘zbekiston Respublikasi Jinoyat kodeksining 169-moddasi (“O‘g‘irlik”) bilan jinoyat ishi qo‘zg‘atilgan. Ko‘rilgan tezkor choralar natijasida ushbu shaxs aniqlanib, qo‘lga olindi. Tergov harakatlari davom etmoqda.