Qoʻshni davlatlardagi talabalarning barchasi hech qanday imtihonlarsiz oʻqishini Oʻzbekistonga koʻchirishi mumkinligi haqidagi xabarlar rad etildi. Ijtimoiy tarmoqlardagi aksariyat ommabop guruhlarda qoʻshni davlatlardagi talabalarning barchasi hech qanday imtihonlarsiz oʻqishini Oʻzbekistonga koʻchirishi mumkinligi toʻgʻrisida asossiz xabarlar tarqaldi.

Oliy taʼlim, fan va innovatsiyalar vazirligi ushbu xabarga munosabat bildirib, maʼlumot haqiqatga toʻgʻri kelmasligini maʼlum qildi. Shuningdek, vazirlik yurtdoshlarimizdan rasman tasdiqlanmagan maʼlumotlarga ishonmasliklarini soʻraydi.