Prezident huzuridagi Statistika agentligi Oʻzbekistondagi eng koʻp haq toʻlanadigan kasblar nomini eʼlon qildi.

Maʼlum qilinishicha, 2022-yil yanvar–dekabr oylarida iqtisodiy faoliyat turlari boʻyicha oʻrtacha oylik ish haqining eng baland koʻrsatkichi bank, sugʻurta, lizing, kredit va vositachilik faoliyati sohasiga toʻgʻri kelib, 10,8  million soʻmni tashkil etgan.

Shuningdek, axborot va aloqa sohasi 7,5 million soʻmni, tashish va saqlash sohasi 5 million soʻmni va sanoat sohasi 4,9 million soʻmni tashkil etib, oʻrtacha oylik ish haqiga nisbatan yuqori koʻrsatkichni tashkil qildi. Taʼlim (2 695,4 ming soʻm) hamda sogʻliqni saqlash va ijtimoiy xizmatlar koʻrsatish (2 611,7 ming soʻm) sohalari esa boshqa sohalarga nisbatan eng quyi pogʻonalardan joy olgan.