Shavkat Mirziyoyev va Sadir Japarov raisligida Oʻzbekiston va Qirgʻiziston rasmiy delegatsiyalari aʼzolari, qator vazirlik va viloyatlari rahbarlari ishtirokida kengaytirilgan tarkibda muzokaralar boʻlib oʻtdi. Bu haqda Prezident matbuot xizmati xabar berdi.

Maʼlum qilinishicha, mazkur yigʻilishda tomonlar oʻzaro strategik sheriklikni chuqurlashtirish borasida birgalikda ishlashga qatʼiy intilishini bildirdi.

Foto: Prezident matbuot xizmati

Shuningdek, Oʻzbekiston Prezidenti ikki mamlakat hududlari oʻrtasidagi sheriklik va toʻgʻridan-toʻgʻri aloqalarni kengaytirish muhimligini taʼkidladi.

Foto: Prezident matbuot xizmati

Muzokaralar chogʻida transport va logistika sohasidagi hamkorlik strategik ahamiyatga ega ekani qayd etildi. Xitoy—Qirgʻiziston—Oʻzbekiston temir yoʻlini qurish boʻyicha ishlarni faollashtirish, Andijon—Oʻsh—Irkishtom avtomobil yoʻlining salohiyatini toʻliq ishga solish, shu maqsadda qoʻshma transport-logistika kompaniyasini tashkil etishga kelishib olindi.