26-yanvardan boshlab “Fargʻona – Quvasoy – Qizil-qiya” xalqaro yoʻnalishida mikroavtobus qatnovi qayta tiklandi. 

Transport vazirligiga koʻra, 2020-yilgacha mavjud boʻlgan mazkur qatnov, pandemiya davri cheklovlarida toʻxtab qolgan edi. Umumiy masofa 39,5 kmni tashkil etib, yoʻlkira narxi 12 ming soʻm etib belgilandi. 

Mikroavtobuslar Qizil-qiya va Fargʻonadan tongi soat 7:20 da harakat boshlanishi nazarda tutilgan. Kelgusida aholi talab va ehtiyojlarini inobatga olgan holda qatnovlarni koʻpaytirish rejalashtirilgan.