Soliq mobil ilovasi orqali 2022-yil uchun 2 million nafarga yaqin isteʼmolchilarga berilgan keshbeklar 773 mlrd soʻmga yetdi. Bu haqda Soliq qoʻmitasi matbuot xizmati xabar berdi.

Maʼlum qilinishicha, dekabr oyida 1,7 million nafar isteʼmolchiga 127,4 milliard soʻm keshbek hisoblangan boʻlib, ayni paytda 1 million nafardan ortiq isteʼmolchiga 63,1 milliard soʻm toʻlab berilgan.

“Belgilangan tartibga asosan isteʼmolchilarga dekabr oyi uchun 63,1 milliard soʻm keshbek summalari tasdiqlandi, hisobotlar taqdim etilishi bilan qolgan keshbeklar toʻlovga tasdiqlanadi”, deyiladi xabarda.