Dam olish kunlari Oʻzbekiston hududlari boʻyicha ob-havoni hali ham sovuq antitsiklon belgilaydi, deya xabar bermoqda “Oʻzgidromet”.

Ushbu kunlarda respublika boʻyicha yogʻingarchilik kutilmaydi, faqat 20−21-yanvar kunlari eng chekka janubda biroz qor yogʻishi mumkin.

Kunduzi havo harorati −3…+2 daraja boʻladi. Dam olish kunlari havo harorati kechalari −8…−13 daraja, baʼzi joylarda −15…−17 darajagacha soviydi. Kunduz kunlari −2…+3, baʼzi joylarda -5 darajagacha sovishi kutilmoqda. Respublika boʻyicha baʼzi joylarga tuman tushishi mumkin.

Shuningdek, respublika yoʻllarida baʼzi joylarda yaxmalak yuzaga kelishi saqlanib turadi.