Nodirbek Gulmuradovich Yakubov Toshkent viloyati Piskent tumani hokimi etib tayinlandi. Bu haqda OʻzA xabar berdi.

Tayinlovga qadar u Oʻzbekiston Respublikasi bandlik va mehnat munosabatlari vazirining oʻrinbosari vazifasini bajaruvchi lavozimida ishlagan.

Nodirbek Yakubov 1975-yil 25-sentyabrda Toshkent viloyatida tugʻilgan. 2001-yilda Oʻzbekiston Milliy universitetini tamomlagan.

U faoliyati davomida Chirchiq shahar hokimligi, Mehnat va aholini ijtimoiy muhofaza qilish vazirligi, Oʻzbekiston Respublikasi Prezidenti devoni, Xususiylashtirish, monopoliyadan chiqarish va raqobatni rivojlantirish davlat qoʻmitasi, Bandlik va mehnat munosabatlari vazirligida turli lavozimlarda ishlab kelgan.