“Toshkent metropoliteni” DUK metropoliten bayram kunlari qanday tartibda ishlashi haqida maʼlumot berdi.

Unga koʻra, 2022-yil 31-dekabr shanba dam olish kuni metropoliten doimiy jadval asosida ish faoliyatini olib boradi. Ish vaqtining tugashi esa bir soatga uzaytiriladi, yaʼni barcha metro bekatlari 31-dekabr soat 05:00 dan 1-yanvar soat 01:00 gacha yoʻlovchilarga xizmat koʻrsatadi.

2023-yilning 1-2-3-yanvar kunlari esa metro poyezdlari yakshanba kuni uchun tasdiqlangan jadval asosida soat 05:00 dan 00:00 gacha harakatlanadi.

Avvalroq, bayram kunlarida avtobuslar qatnovi boʻyicha ham maʼlumot berilgandi.