Oyina.uz maʼnaviy-maʼrifiy portali eng faol sayt, uning bosh muharriri Farrux Jabborov esa til jonkuyari sifatida eʼtirof etildi.

Oʻzbekiston Milliy teleradiokompaniyasi tomonidan oʻtkazilgan “Yil faoli – 2022” tanlovida Oyina.uz nashri “Yilning eng faol internet sayti” deb topildi!

Kuni kecha “WikiStipendiya” marafonining yopilish marosimida bir qator faollar, til jonkuyarlari eʼtirof etildi. Oyina.uz portali bosh muharriri Farrux Jabborov oʻzbek tiliga qoʻshayotgan hissasi uchun tashakkurnoma bilan taqdirlandi. Tashakkurnomani Yoshlar ishlari agentligi direktori Alisher Saʼdullayev topshirdi.

Shu oʻrinda Oyina.uz jamoasi kundan kunga safi kengayib, faollik darajasi ortib borayotgan portal oʻquvchilariga minnatdorlik bildiradi.