24-dekabr kuni Samarqand viloyati Urgut tumani Vatak mahallasida yashovchi fuqaro G.O. ning Rossiyada ishlab yurgan turmush oʻrtogʻiga jahl qilib, oʻzining voyaga yetmagan farzandini kaltaklagani va bu holatni videotasvirga olib, videoni turmush oʻrtogʻiga yuborgani hamda voyaga yetmagan farzandlarini oʻldirish bilan uni qoʻrqitgani haqida xabar berilgan edi.

Viloyat IIBga koʻra, holat yuzasidan Urgut tumani IIB huzuridagi Tergov boʻlimi tomonidan fuqaro G.O. ga nisbatan Oʻzbekiston Respublikasi JKning 110-moddasi 2-qismi va 112-moddasi 1-qismi bilan jinoyat ishi qoʻzgʻatilgan.
 

Hozirda jabrlanuvchining ahvoli yaxshi boʻlib, shifokorlar kuzatuvida. Jinoyat ishi esa viloyat IIB tomonidan nazoratga olingan.