Bugun, 26-dekabr kuni soat 08:15 da “Uzbekistan Airways” aviakompaniyasining Toshkent — Termiz yoʻnalishi boʻyicha HY-65 reysi bortida 146 nafar yoʻlovchi bilan “Termiz” xalqaro aeroportiga qoʻndi.

Ushbu aeroportni qayta qurish doirasida uzunligi 3000 metr va eni 60 metr boʻlgan yangi uchish-qoʻnish yoʻlagi, yurish yoʻlaklari va uchta samolyot toʻxtash joyi uchun perronni oʻz ichiga olgan, yangi 4E toifali aerodrom majmuasi qurildi.

Ayni paytda 377 milliard soʻmlik ishlar bajarilgan yangi aerodrom majmuasining qurish loyihasi 550 milliard soʻmga baholanmoqda. Loyihaning yakuniy bosqichi — uchta samolyot turar joyi va ikkinchi yurish yoʻlagi 2023-yilning apreligacha yakunlanishi rejalashtirilmoqda.

Eslatib oʻtamiz, Termiz aeroporti yangi aerodrom majmuasini foydalanishga topshirishga tayyorgarlik koʻrilayotgani munosabati bilan 1-noyabr kuni yopilgan va parvozlar vaqtincha respublikaning boshqa xalqaro aeroportlariga yoʻnaltirilib kelingan edi. Aeroport terminali ham rekonstruksiya qilinib, 2019-yilda foydalanishga topshirilgan.