O‘zbekistonda 2022-yilning 1-yanvar holatiga ko‘ra jismoniy shaxslarga tegishli jami yengil avtomobillar soni 3 051 734 tani tashkil etmoqda.

Statistika qo‘mitasi ma’lumotlariga ko‘ra, respublikada har 1000 nafar doimiy aholiga o‘rtacha 87 ta yengil avtomobil to‘g‘ri kelmoqda. Bu ko‘rsatkich 2021-yilning mos davriga nisbatan 6 taga oshgan.

2022-yilning 1-yanvar holatiga MDH davlatlarida har 1000 nafar doimiy aholiga o‘rtacha to‘g‘ri keladigan yengil avtomobillar soni:

Rossiya — 328 ta;
Belarus — 324 ta;
Qozog‘iston — 189 ta;
Qirg‘iziston – 161 ta;
Ozarbayjon — 128 ta;
O‘zbekiston — 87 ta;
Tojikiston — 46 ta.