Qirg‘iziston poytaxti Bishkek dunyoning havosi eng ifloslangan shaharlari reytingida birinchi o‘rinda turibdi. Qirg‘iz ekologlarining so‘zlariga ko‘ra, qish faslida uylar mo‘rilaridan chiqadigan hamda ko‘mirda ishlaydigan IES va avtomobillar tutuni Bishkekda havo ifloslanishining asosiy sabablaridir.

Kecha, 8-noyabr kuni Bishkek havosidagi PM2.5 mikrodispers zarralar miqdori bir kub metrga 259 mikrogrammni (mkg) tashkil etib, dunyodagi me’yordan 10 baravarga ortiq bo‘lgan.

Ikkinchi o‘rinda Hindistonning Dehli shahri (202 mkg), uchinchi o‘rinda Pokistonning Lohur shahri (167 mkg) turibdi.