Prezident taʼkidlaganidek, bolalarimiz maktabdan ona tili va chet tillarini puxta oʻzlashtirib, kompyuterda ishlashni oʻrganib chiqishi zarur. Farzandlarimizni kasb-hunarlarga, sanʼat va madaniyatga qiziqtirishimiz lozim.

Oʻquvchilarda erkin, tanqidiy va kreativ fikrlashni, jamoada ishlash va muloqot koʻnikmalarini shakllantirish zarur.

Shu bois, 2023-yildan maktab taʼlimini xalqaro taʼlim dasturlari asosida butunlay isloh qilish boshlanadi.

Kelasi yili 70 ta yangi maktab quriladi, 460 tasi kengaytiriladi. Xususiy investitsiyalar ishtirokida 100 ta maktab qurish loyihalari boshlanadi, kelasi besh yilda ularning soni 1 mingtaga yetkaziladi.

Qoraqalpogʻiston va Xorazmda yoʻlga qoʻyilgan boshlangʻich sinf oʻquvchilari uchun bepul ovqatlanish amaliyoti kelasi oʻquv yilidan ushbu qolgan viloyatlar va Toshkent shahri maktablarida ham joriy etilishi taʼkidlandi.

Endi, kelasi oʻquv yilidan ushbu amaliyot qolgan viloyatlar va Toshkent shahri maktablarida ham joriy etiladi va buning uchun 2,3 trillion soʻm ajratiladi.