Bugungi kunda Telegram messenjeri akkauntlarini noqonuniy egallash holatlari aniqlanmoqda.

Kiberxavfsizlik markaziga koʻra, firibgarlar tanishingiz (akkaunti firibgarlar tomonidan egallangan boʻlsa) yoki notanish akkauntdan “Telegram Premium” sovgʻa qilishganligini bildirib, uni qabul qilish uchun sms-xabarnomadagi raqamlarni kiritishni soʻraydi. Shundan soʻng firibgarlar telegram messenjeri boshqaruvini qoʻlga kiritadilar.

Firibgarlar tuzogʻiga tushib qolmaslik uchun mutaxassislar quyidagilarga rioya etishingizni tavsiya qiladi:

Ikki tomonlama autentifikatsiyani oʻrnating;

Har qanday holatda ham sms-xabarnomada kelgan raqamlarni hech kimga taqdim etmang;

Messenjer qurilmalar boʻlimidagi “Faol seanslarni” tekshiring boshqa qurilmalar faoliyatini toʻxtating.