Bugun, 18-dekabr kuni Toshkentda isteʼdodli oʻzbek adibi Sobir Oʻnar 58 yoshida vafot etdi.

Sobir Oʻnar 1964-yil 25-fevralda Samarqand viloyatining Qoʻshrabot tumanidagi Quvkalla qishlogʻida tugʻilgan. U 1986-yilda ToshDUning jurnalistika fakultetini tamomlagan.

Sobir Oʻnarning ilk hikoyasi — “Kunsuluvning xatlari”. Shundan soʻng yozuvchining “Orzuga toʻla qishloq” (1989), “Ovloq adirlar bagʻrida” (1990), “Chashma” (1991) hikoyalar toʻplamlari nashr etilgan. “Chambilbelning oydalasi” (2006) asari muallifi. Qoraqalpoq adibi X.Tojimurodovning “Ov hangomalari” (1990) hamda turk yozuvchisi Bakir Yulduzning “Karbalo fojiasi” qissasini oʻzbek tiliga tarjima qilgan.

Oyina.uz adibning oila aʼzolari va yaqinlariga chuqur taʼziya izhor etadi.