Prezident raisligida videoselektor yigʻilishi boshlandi.

Yigʻilish avvalida davlatimiz rahbari soʻnggi kunlarda aholimizni qiynayotgan energiya taʼminoti masalasiga toʻxtalib oʻtdi.

Oxirgi olti yilda sohada katta oʻzgarishlar boʻlgani, jumladan:

- 5 ming megavattdan ortiq yangi elektr quvvatlari yaratilgani (avvalgi 25 yilda bor-yoʻgʻi 3,3 ming megavatt quvvatlar ishga tushgan);

- 45 ming kilometr elektr tarmoqlari va 13 mingdan ortiq transformator punktlari yangilangani (bu ham avvalgi yillarga nisbatan 3-4 baravar koʻp);

- suyultirilgan gaz va koʻmir ishlab chiqarish hajmlari 1,5 baravarga oshgani taʼkidlandi.

«Lekin bir hafta boʻlgan sovuqda O.Ramatov, M.Abdullayev, F.Abduraxmanov, D.Isakulov, U.Mustafoyev, B.Normatov, B.Eshmurodov, viloyat, tuman, shahar hokimlari va sektor rahbarlari pastda ishlamagani koʻrinib qoldi.

 

Ular qishga tayyorgarlikni barbod qildi, shuncha qilayotgan islohotlarimizni obroʻsizlantirdi.

 

Vaholanki, ularning tizimida 115 mingdan ziyod xodimlardan iborat katta armiyasi bor. Ular ham oylik oladi», dedi Prezident.