Oʻzbekistonning Istanbuldagi Bosh konsulxonasi Turkiya hududida istiqomat qilayotgan Oʻzbekiston fuqarolarini mamlakat hududidagi ehtimoliy yigʻilish va namoyishlarda ishtirok etmaslikka chaqirmoqda.

“Shaxsiy xavfsizligingizga eʼtiborli boʻlgan holda Sizlardan turli xildagi koʻpsonli yigʻilish va namoyishlarda ishtirok etmaslik hamda ularda qatnashishga daʼvat etish orqali targʻibot yuritmaslikka chaqirib, bunday harakatlar qonuniy javobgarlikka tortilishga sabab boʻlishi haqida ogohlantiramiz”, deyiladi Bosh konsulxona xabarida.