Rossiya musulmonlari diniy kengashining rahbari, muftiy Albir Krganov ish beruvchilarga migrantlarni turar joy bilan taʼminlashni maslahat berdi.

Muftiy Albir Krganov «Fud-siti» ulgurji bozori va «Slavyanskiy mir» qurilish bozori ishchi migrantlari atrofidagi vaziyatga munosabat bildirib, migrantlarni ishga jalb qilayotgan korxonalar ularni turar joy bilan taʼminlashi kerak, deya taʼkidladi. Shuningdek, u «Fud-siti»da ibodatxonalar yoʻqligi masalasini ham koʻtardi. Uning fikriga koʻra, ish beruvchilar dindorlarni kerakli sharoitlar bilan taʼminlash borasida qaygʻurishi shart edi.

«Nega «Fud-siti» yoki shunga oʻxshash markazlar oʻz hududida yoki boshqa joyda ular jalb qilayotgan migrantlar uchun yotoqxona tashkil etishmaydi?», - degan Krganov. Muftiy Rossiyada ham bunday normani joriy etish zarur deb hisoblaydi.