Oʻzbekiston Energetika vazirligi Afgʻonistonga elektr energiyasi yetkazib berish toʻxtatilgani haqidagi xabarlar yuzasidan rasmiy bayonot berdi.

“Hozirda bitta “Naibobod 1” elektr uzatish tarmogʻi orqali elektr energiyasi yetkazib berilmoqda, ikkinchi “Naibobod 2” tarmogʻida texnik nosozliklar tufayli taʼmirlash ishlari olib borilmoqda. Shu munosabat bilan Afgʻonistonga elektr energiyasi eksporti qisqargan, biroq toʻxtatilgani yoʻq.

Shu kunlarda 125 MVt elektr energiyasi yetkazib berilmoqda” – deyiladi vazirlik bayonotida.

Avvalroq Afgʻonistonning DABS energetika kompaniyasi vakili Afgʻonistondagi elektr energiyasi uzilishlarida Oʻzbekistonni ayblagandi.