Toshkent metropolitenining “Yerusti halqa” yoʻnalishidagi poyezdlar 5:00 dan 23:00 gacha harakatlanadi. Bu haqda “Toshkent metropoliteni” DUK axborot xizmati xabar berdi.

Qayd etilishicha, 16-dekabrdan metro temiryoʻllarida texnik ishlar bajarilib, oʻrnatilgan qurilmalar texnik koʻrikdan oʻtkaziladi. Shu sababli metropolitenning “Yerusti halqa yoʻli” yoʻnalishida poyezdlar harakati soat 05:00 dan 23:00 gacha amalga oshiriladi.

“Keltirilgan noqulaylik yuzasidan barcha yoʻlovchilardan uzr soʻraymiz.

Texnik ishlar yakuni boʻyicha qoʻshimcha maʼlumotlar metropolitenning ijtimoiy tarmoqdagi rasmiy sahifalari orqali beriladi”, – deyiladi xabarda.