Oʻzbekiston – Qozogʻiston: Xalqaro ilmiy-amaliy konferensiya boʻlib oʻtdi

Saqlash
17:12 / 13.12.2022 1096 0

Markaziy Osiyo xalqaro institutida “XIX asr oʻzbek va qozoq mutafakkirlari dunyoqarashidagi umumiy tarixiy-madaniy merosni mustahkamlash va rivojlantirish» mavzusida xalqaro ilmiy-amaliy konferensiya boʻlib oʻtdi.


Anjumanda XIX asr oʻzbek-qozoq mutafakkirlarining ilmiy, falsafiy va adabiy merosini tadqiq etish, ikki mamlakat maʼrifatparvarlari madaniy-gumanitar aloqasi, oʻzaro munosabatning umumiy taraqqiyotga taʼsiri masalalari muhokama qilindi.
 

Konferensiya ilmiy doira vakillari va ikki mamlakat ekspertlari oʻrtasida konstruktiv fikr almashish, oʻzaro tadbirlarni izchil yoʻlga qoʻyish va takliflar ishlab chiqish, ilmiy-tahliliy hamkorlikni yanada chuqurlashtirish uchun qulay maydon vazifasini oʻtadi.

 

Tadbir yakuni boʻyicha Markaziy Osiyo xalqaro instituti va Qozogʻiston Respublikasining R.B.Suleymenov nomidagi Sharqshunoslik instituti oʻrtasida hamkorlikni mustahkamlashga qaratilgan qator ikki tomonlama hujjatlar imzolandi.

Izoh yo‘q

Izoh qoldirish