Maktab oʻquvchilari uchun II chorakning soʻnggi kuni 27-dekabrga toʻgʻri kelib, 28-dekabr kuni qishki taʼtilning ilk kuni sanaladi. Bu haqda Xalq taʼlimi vazirligi axborot xizmati rahbari Laylo Rustamova xabar qildi.

Maʼlum qilinishicha, taʼtil 14 kalendar kuni davom etadi va III chorak 2023-yilning 11-yanvaridan boshlanadi.

Eslatib oʻtamiz, talabalar va professional taʼlim muassasalari oʻquvchilari uchun qishki taʼtil muddati — 2022-yil 26-dekabridan 2023-yil 9-yanvariga qadar etib belgilangandi.