Noqulay ob-havo Qarshi aeroporti faoliyatini vaqtincha cheklab qoʻydi, deya xabar bermoqda Uzbekistan Airports matbuot xizmati.

Tuman va kuchli shamol hamda koʻrish chegarasining 400 metrga pasayishi tufayli Rossiyaning “Azimut” aviakompaniyasiga tegishli Moskvadan Qarshiga yoʻl olgan A47095 reysi Samarqand aeroportiga yoʻnaltirildi.

Mahalliy vaqt bilan soat 07:15 da bortida 100 nafar yoʻlovchi boʻlgan samolyot aeroportga kelib qoʻndi. Ob-havo yaxshilanishi bilan reys Samarqanddan Qarshiga joʻnab ketish kutilmoqda.